Байден: Путин  – ақылды саясаткер

АҚШ президентінің айтуынша, Владимир Путин – ақылды саясаткер, бірақ Украинаға қарсы соғысты бастағанда украин халқының Ресей қарулы күштеріне қалай қарайтынын дұрыс бағаламаған, деп хабарлайды Bugin.kz.

«Ресей президенті Владимир Путин – ақылды саясаткер , бірақ ол Украинаға басып кіргенде «үлкен қателік жасады». Бұл пікірді АҚШ президенті Джо Байден CNN телеарнасына берген сұхбатында айтты. 

Сонымен бірге, Байден 2022 жылдың ақпанында Украинаға басып кіру туралы шешім қабылданған Путиннің сөзіне қатысты «қисынсыз» терминін қолданған. «Менің ойымша, оның сөзі мен мақсаты қисынсыз. Олар оны құшақ жая қарсы алатынына, Киев Ресейдің жері екеніне және оны мұнда қуанышпен қарсы алатындарына сенді. Бұл мүлдем қате түсінік», - деді америкалық мемлекет басшысы журналист Джейк Тапперге берген сұхбатында.

Әңгіме Байденнің G7 елдерінің өкілдерімен, соның ішінде Украина президенті Владимир Зеленскиймен виртуалды кездесуінен кейін бірнеше сағат өткен соң жазылған. Владимир Зеленский «Үлкен жетілік» елдерінің басшыларын Киевке ресейлік зымырандардан қорғайтын әуе қорғаныс жүйесін құруға көмектесуге шақырды.

Осы кездесудің нәтижесінде «Үлкен жетілік» Ресейдің «Украинадағы азаматтық инфрақұрылымдар мен қалаларға зымырандық шабуылдарын» қатаң айыптап, оның «жазықсыз бейбіт тұрғындардың өліміне» әкелгенін және бейбіт тұрғындарға қарсы шабуылдардың «әскери қылмыс» екенін еске салды. Президент Путин және басқа да кінәлілер жауапқа тартылады.

10 қазан күні таңертең Ресей Киев, Днепр, Харьков, Одесса, Львов және Украинаның басқа да бірқатар қалаларына қуатты зымырандық шабуылдар жасады. Бақылаушылардың айтуынша, Ресей қарулы күштері көрші елге ақпан айында кең ауқымды басып кіру басталғаннан бері Украинадағы нысандарға мұндай ауқымды шабуыл жасамаған.